Vantar ekki '?' í fyrirsögnina?

Af fyrirsögninni að dæma er þarna loksins búið að finna leyfar arkarinnar, en megin mál fréttarinnar dregur heldur úr.

Eins og Nicholas Purcell, kennara í fornaldarsögu við háskólann í Oxford, bendir á er þetta ekki í fyrsta skipti sem einhver þykist hafa fundið örkina þarna. Einna frægastur er Ron Wyatt en jafnvel bókstafstrúaðir sköpunarsinnar hafa afskrifað hann sem svikahrapp.

Verður spennandi að sjá hvort mbl.is á eftir að fylgja þessu máli eitthvað eftir, sérstaklega ef þetta reynist svo vera bull. 

Örkin hans Nóa fundin

Athugasemdir

[Tómas Waagfjörð, 27.4.2010 kl. 20:01]

Ég væri til í að kunna búa til kaðla sem endast þúsundi ára án þess að morkna, og ekki væri verra að vera með uppskriftina af fúavörninni sem lætur timbur endast þetta lengi.

[Óskar Arnórsson, 28.4.2010 kl. 03:12]

Gaman þegar "vísindamenn" finna eitthvað sem túristar hafa verið að skoða í tugi ára...

[Jón H B (IP-tala skráð) 28.4.2010 kl. 09:31]

Vantar ekki bara heilann í þetta lið sem talar svona og þá sem segja frá þessu í fréttum ?

[Árni Árnason (IP-tala skráð) 28.4.2010 kl. 12:21]

Það virðist nú vanta fleiri en eitt "?" í þessa grein. Mér finnst til dæmis sárlega vanta skýringu á þversögninni " evangelískur vísindamaður".

Evangelískur vísindamaður ?  Hvaða þvæla er það?

[Arnar Pálsson, 28.4.2010 kl. 15:07]

Er það spurning um spurningamerki?

Ef það er spurningarmerki, þá er svarið yfirleitt nei, sbr. Mars og spurningarmerkið.

[Sigurður Haraldsson, 28.4.2010 kl. 15:51]

Bíðum aðeins það eiga eftir að koma fleiri fréttir að þessu ef þetta hefur einhver rök og sannanir til að byggja á.

[Arnar, 29.4.2010 kl. 10:42]

Mbl.is mætti svo sem umorða fyrirsögnina og sleppa spurningamerkinu, ein eins og þeir settu þetta fram má túlka hana sem örkin sé raunverulega fundin.

[Arnar Pálsson, 29.4.2010 kl. 17:20]

Vefmiðlar lifa og deyja með fjölda heimsókna.

Tekjur þeirra koma frá auglýsendum, sem borga fyrir setja vörumerkin sín á sýnilega staði.

Ef það þarf grípandi fyrirsögn eða berir rassar til að ná í lesendur, þá eru settar fram grípandi fyrirsagnir um bera rassa.

Það fer örugglega að styttast í að mbl.is flétti auglýsingar inní fréttirnar sínar. 

Obama (íklæddur Armani jakkafötum) tók í hendina á Nick Glegg (sem keyrir um á Landróver) og innsiglaði samkomulag um verndun bankanna á Tortolla (í boði Bónus).