Í gær fjallaði ég lauslega um myndina Book of Eli, sem fjallar um mann sem gætir síðasta eintak biblíunnar sem á að geta endurreist samfélag manna eftir að hamfarir hafa nánast lagt jörðina í eyði.  Að minnsta kosti er sögusvið myndarinnar, Bandaríkin, í svona 'post-apocalyptic state', veit ekki hvernig það kom til.

En þemað; heimsendir, biblían og trú.

Í gær sá ég líka trailer fyrir myndina Legion, þar sem söguþráðurinn snýst um að mannkyn hafi endanlega misst trúna á guði og hann hafi því ákveðið (enn einu sinni) að útrýma öllum.  Eina von mannkyns er auðvitað nýfætt barn sem gætt er af sundurleitum hóp manna og einum engli á veitingastað í miðri eyðimörk.

Aftur er þemað; heimsendir, biblían og trú.

Í ár á aldeilis að græða á kristnum sem bíða spenntir eftir heimsendi.

Smá tilraun; haldið littla fingri upp til móts við nætur himinin og giskið á hvað það eru margar stjörnur á bakvið.

Ég efast um að það sé hægt að telja þær.

Ef þú horfir upp í nætur himinninn virðist vera tómt svæði á milli sýnilegu stjarnanna en í raun er 'tómarúmið' fullt af stjörnum.

Með aðstoð Hubble og fleirri sjónauka er búið að setja saman mynd af svæði sem er miklu minni en nögl littla fingurs og inniheldur tug þúsundir stjörnuþoka með miljörðum af störnum.  Með berum augum frá Jörðu lítur þetta svæði út fyrir að vera bara svart tómarúm.

HubbleSite: Galaxy History Revealed in This Colorful Hubble View

Myndin sem umræðir: http://hubblesite.org/newscenter/archive/releases/2010/01/image/a/

Hvað gerirðu þegar þú lýgur og ferð með rangt mál, ef þú ert sköpunarsinni þá reynirðu að ritskoða alla þá sem afhjúpa lygina og bullið.

Eitt fyrsta og augljósasta merki um að einhver fari með rangt mál er þegar þeir beita ritskoðun.
(Sem er til dæmis mjög algengt hjá trúuðum bloggurum hér á blog.is)

Fyrir nokkru kom Casey Luskin nokkur, lögfræðingur sem starfar fyrr Discovery Institute, fram í 'viðtali' á Fox News þar sem hann fór með hin staðlaða sköpunarsinna áróður, sem er að megninu til lygi.  Youtube notandin DonExodus2 afhjúpaði lygarnar í myndbandi á Youtube og Discovery Institute lagði fram kæru um að hann væri að nota höfundavarið efni og fékk myndbandið fjarlægt.  (fjallaði um það áður: Sköpunarsinnar ljúga.. og reyna svona að ritskoða þá sem afhjúpa þá).

Uppfærsla frá DonExodus2 um málið: 

Upprunalega vídeóið frá DonExodus2 þar sem hann afhjúpar lygarnar og bullið í Luskin:

Eina vopn trúarbragða gegn skynsemi er ritskoðun.

Nýjasta útspil Discovery Institute er Why are darwinists scared to read Signeture in the Cell? sem þýðir væntanlega að hún er ekki að seljast nógu vel og því þurfi að vekja meiri athygli á henni.

Á standupforREALscience blogginu er velt fyrir sér alvöru spurningum um þessa bók, eins og afhverju gaf Meyer út bók til að selja almenningi en gaf ekki út vísindagrein og fékk hana birta í alvöru vísindariti?  Kannski af því að hann hefur engin haldbær gögn til að styðjast við og öll þessi augljósu merki hönnunar sem hann greinir allt í kringum sig eru ekki til nema í hausnum á honum.

Vísindamenn lesa vísindagreinar, ekki bækur.

Reyndar gefur titill bókarinnar, Signeture in the Cell, ágætis hugmynd af fyrstu vísindagrein sköpunarsinna;

Hvernig væru að þeir einbeittu sér að því að rannsaka þetta til hlítar og birta svo ritrýnda greinagerð ásamt öllum gögnum.  Ekki gefa út bók og selja almenningi hefur upp til hópa ekki nóga þekkingu til að greina milli þess sem er stutt af gögnum og þess sem er persónuleg skoðun eða ályktun höfundar.

Eru ekki gild rök.

Við hvað eru sköpunarsinnar hræddir?

Ray Comfort er óheiðarlegt merkikerti.

Nýlega fékk hann þá 'snilldar' hugmynd að endurútgefa bók Darwins, Um uppruna tegundanna, og gefa háskólanemendum hana endurgjaldslaust (í útvöldum háskólum í Norður Ameríku).

'Snilldinn', að hans mati, var fólgin í því að hann bætti við 50 blaðsíðna inngangi þar sem hann notaði allan þekktan og marg hrakinn sköpunarsinna áróður til þess að rakka niður persónu Darwins og þróunarkenninguna.  Svona eins og að halda því fram að Hitler hafi verið trúleysingi og að þróunarkenning Darwins hafi einfaldlega verið aðal orsök gyðingaofsókna Nasista.  Sem er náttúrulega bull, Hitler var kaþólskur og minnist hvergi á Darwin í ritum sínum eða ræðum.

En nú hefur komið í ljós að hluti af inngangi Comfort's var stolið nánast orðrétt frá Stan Guffey nokkrum, líffræði kennara við Háskólann í Tennesee.

Ef ég man rétt þá er Ray Comfort að brjóta tvö boðorð hérna;

Og er því væntanlega á hraðferð til helvítis.

Það versta er að það er alveg hellingur af trúuðum einstaklingum sem gleypa við öllu sem Comfort bullar og sér ekki ástæðu til þess að efast eða yfirleitt athuga með heimildir.

 

Ítarefni:

• Tekið frá: There is No Comfort in the Truth
• Umfjöllun NCSE: Ray Comfot, plagiarist?
• Don't diss Darwin, síða NCSE sem fjallar um 'sér' útgáfu Comfort's.
• Upprifjun á boðorðunum tíu.