Trúaðir vs. guð: Hversvegna treysta kristnir ekki guðinum sínum?

Í þó nokkrum atriðum, finnst mér kristnir beinlínis vinna gegn guðinum sínum eða sýna algeran skort á trausti á guðinn eða verk(sköpun) hans.

Ef við göngum út frá því að kristni sé 'rétt'; guðinn sé virkilega til og hann sé alvitur, algóður, almáttugur og hafi skapað heiminn.  Þá langar mig að skoða eftirfarandi atriði:

Bænir

Ef við tökum tillit til þess að guð eigi að vera alvitur þá eru bænir alveg ótrúlega órökrétt fyrirbæri.  Að guðinn sé alvitur, algóður og skapari alheimsins felur í sér að hann viti miklu betur en þú hvað þú virkilega þarft á að halda og þú sért nákvæmlega í þeirri stöðu sem guðinn þinn vill að þú sért í.  Hvað ætlarðu þá að biðja hann um?  Hvað sem þér dettur í hug þá er guðinn löngu búinn að hugsa fyrir því, hann er alvitur manstu, og svo skapaði hann heiminn eins og heimurinn er.. hverju ætti hann að breyta.  Þykist einhver vita betur en alvitur guð?  Já, allir kristnir sem biðja bænir á sama tíma og þeir trúa því að hann (guðinn) sé alvitur.  Ef guðinn ykkar er alvitur þá eru bænir tilganglausar, guðinn ykkar veit fyrir (áður en þið biðjið) hvað þið ætlið að biðja um og hann veit líka hvað er ykkur fyrir bestu (hann er líka algóður) þannig að mjög líklega eruð þið nákvæmlega í þeirri stöðu sem guðinn ykkar vill að þið séuð í.  Bænir eru í hrópandi mótsögn við alvitran skapara.

Sköpunarsinnar

Þeir sem aðhyllast þá skoðun að guð hafi skapað heiminn eru sköpunarsinnar.  Sami hópur er, í því að virðist, heilögu stríð gegn vísindum (líffræði, eðlisfræði, jarðfræði.. til að dæmis) því samkvæmt flestum vísindagreinum gengur þeirra heimsmynd um biblíulega sköpun engan vegin upp.  En, gefum okkur að þeir hafi rétt fyrir sér og guðinn þeirra hafi skapað heiminn eins og hann er í dag í raun og veru.  Eru þeir þá ekki að berjast gegn sköpunarverkinu?  Ef guð skapaði heiminn og ef guð er alvitur, skapaði guðinn þá ekki Darwin?  Skapaði guðinn ekki þær aðstöður sem leiddu til þess að þróunarkenningin varð til?  Ef guð skapaði heiminn og ef hann er alvitur þá eru öll vísindi í dag, sem benda til þess að biblíuleg sköpun sé ekkert nema skemmtileg þjóðsaga, afleiðing sköpunarinnar og ástandið er nákvæmlega eins og guðinn vill hafa það.  Ef sköpunarsinnar hafa rétt fyrir sér um að það sé til skapari eru þeir að berjast gegn sköpunarverki guðsins síns, sem er einstaklega órökrétt.

Samkynhneigð

Guð skapaði samkynhneigð.  Hann er skapari alls, ekki satt, og svo er hann alvitur.  Ef guðinn skapaði samkynhneigð, afhverju eru trúaðir þá svona svakalega mikið á móti samkynhneigð.  Geta þeir ekki sætt sig við sköpunarverk skaparans.  Vita þeir kannski betur en alvitur guð?  Trúaðir sem fordæma samkynhneigða eru að fordæma sköpun guðsins sem þeir trúa á.

Fóstureyðingar

Kristnum virðist vera það einstaklega hugleikið að vernda líf ófæddra einstaklinga.  Ef guðinum þeirra er þetta jafn hugleikið, afhverju gerði hann ekki einhverjar ráðstafanir til að koma í veg fyrir að fóstureyðingar ættu sér stað, hann á jú að vera alvitur og hann á að hafa skapað mannkyn í þeirri mynd sem það er.  Ef guðinn er til, þá vill hann augljóslega hafa þetta svona, hvað eru trúaðir að berjast á móti því?

Ef trúaðir trúa virkilega að guðinn þeirra hafi skapað heiminn og að guðinn þeirra sé alvitur þá ættu þeir einnig að trúa því að heimurinn sé nákvæmlega eins og guðinn þeirra vill/ætlaði að hafa hann. 

Samt þykjast þeir vita betur.

Athugasemdir

[Jón Steinar Ragnarsson, 29.9.2009 kl. 14:36]

Snúast trúarbrögð ekki fyrst og fremst um heimsyfirráð ákveðinna stofnanna yfir andlegu og veraldlegu lífi fólks? 

Hér er annars ansi scary flötur á þessu, sem sýnir að mannúðar og kærleikssjáonarmið eru bara yfirvarp. Þetta er megin tilefni kaþólskra og kristinna fundamentalisma gegn fóstureyðingum og getnaðarvörnum. Niðurstaðan er í praktík disaster fyrir mannkyn. Þess vegna eru trúarbrögð eitur í þessum heimi.

Smella hér.

Sturlunin í sinni tærustu mynd.

[Jón Steinar Ragnarsson, 29.9.2009 kl. 14:39]

Annars súmmerar Epíkúrus þessu alltaf best upp:

Is God willing to prevent evil, but not able?  Then he is not omnipotent.
Is he able, but not willing?  Then he is malevolent.
Is he both able and willing? Then whence cometh evil?
Is he neither able nor willing? Then why call him God?

Þetta er 350 árum fyrir krist N.b.

[Arnar, 29.9.2009 kl. 14:47]

Jón Steinar: Snúast trúarbrögð ekki fyrst og fremst um heimsyfirráð

Jú örugglega, en ég var svona að reyna að pæla í þessum atriðum út frá sjónarhorni trúaðra.  Þ.e. ef þeir hefðu rétt fyrir sér.

Og svo sýnist mér Epíkúrus hafa náð þessu nokkuð vel, þessi guðs hugmynd (almáttugur, algóður, etc.) gengur engan vegin upp.

[Jón Steinar Ragnarsson, 29.9.2009 kl. 14:58]

ég setti þetta nú svona inn til að benda á undirliggjandi mentalítet í Judeo Christian trúarbrögðum.

Þakka goða og skilmerkilega grein, sem tekur vel á rökleysunni. Öll réttlætin og umræða um trú er að mínu mati langt fyrir utan og ofan þann siðfræðilega tilgang, sem flestir telja í fljótu bragði vera undirrót trúar. 

[Arnar, 29.9.2009 kl. 15:38]

Takk fyrir það.  Finnst þetta reyndar ekkert sérstaklega 'vel' skrifað, langt síðan ég byrjaði á þessu og búinn að vera að bæta við og breyta í alltof langan tíma.

[Styrmir Reynisson, 29.9.2009 kl. 15:56]

Það hefði líka verið sniðugt að minnast á að sama fólk og segir vísindi vera gölluð og aðferðirnar rangar, t.d. aldursgreiningar og dna rannsóknir. Samt á að nota sömu vísindi til að sakfella fólk sem þessir nutterar vilja láta dæma til dauða.

ef það er nógu gott til að veðja lídi einhvers á er það þá ekki nógu gott til að svara nokkrum spurningum um hvernig heimurinn varð eins og hann er?

pínu stupid

[Arnar, 29.9.2009 kl. 16:05]

Já Styrmir, það er annar vinkill sem ég hef reyndar td. tekið upp með Mófa (áður en hann bannaði mig) en aldrei fengið gott svar við.  Ef öll þessi vísindi sem skarast á við biblíuna eru röng, td. aldursgreiningar, þá væri ekki hægt að framleiða rafmang með kjarnorku.

[Rebekka, 29.9.2009 kl. 16:58]

Já en syndafallið, maður, syndafallið!!  Fóstureyðingar, samkynhneigð og allt það er afleiðing af upphafssyndinni.  Þess vegna er heimurinn svona ófullkominn í dag... segja sumir kristnir a.m.k. 

Því miður gat algóður, alvitur og alfullkominn guð ekki skapað fullkominn heim eða mannfólk.  Hann lofar samt að kippa þessu í lag seinna.  

[Rauður vettvangur, 29.9.2009 kl. 21:05]

Krysslingar reikna bæði með frjálsum vilja og freistingum eða syndum, svo þótt guð vísi veginn, þá sé það á ábyrgð mannanna að velja á milli.

[Vésteinn Valgarðsson, 29.9.2009 kl. 21:07]

Úps, vitlaust notandanafn. Síðasta innlegg var skrifað af mér, vésteini Valgarðssyni.

[Arnar, 30.9.2009 kl. 10:36]

Rebekka, já.  Sorglegt að kristnir bókstafstrúarmenn sjái ekki ruglið í þessu; guð klúðraði Adam og Evu í Edengarðinum, svo fór aftur allt í klúður og hann þurfti að drepa alla með syndaflóði, svo fór aftur allt í klúður og hann þurfti að senda jesús bara til þess að deyja.. etc.  Ef guð væri til þá er hann svo langt frá því að vera alvitur.

[Arnar, 30.9.2009 kl. 10:40]

Vésteinn, þessi atriði eru líka einstaklega órökrétt.  Ef alvitur, allgóður guð skapaði heiminn, afhverju skapaði hann illsku?  Gat hann ekki gert þetta rétt?

Og frjálsi viljin.. guð á að hafa skapað mannkyn, guð vill að mannkyn velji hann (gott).  Afhverju í ósköpunum var hann að bjóða upp á að við myndum velja eitthvað annað en hann?  Endalaust klúður hjá honum, eins og ég minnist á í svarinu hér að ofan, biblían er uppfull af sögum um hvernig fólk valdi þvert á geð guðsins.

Ef ég bý eitthvað til þá reyni ég að láta það gera nákvæmlega það sem upphaflega stóð til, og leyfi helst engin frávik.

[Vésteinn Valgarðsson, 30.9.2009 kl. 12:17]

Ja, það er engin dygð að gera hið rétta nema hitt sé mögulegt líka. Frjáls vilji, skilningur góðs og ills og trú og traust á boðorðum guðs eru það sem á að leiðbeina okkur, en við þurfum sjálf að taka skrefið. Svona, ef maður trúir hugmyndum kristninnar, sem ég geri ekki.